Ekonomi

Sinjalet negative të tregjeve, shqetësojnë investitorët

Të dhënat pesimiste për ekonominë e Gjermanisë, dhe sinjalet negative në tregjet e bonove, po ashtu shqetësuan investitorët

Si rezultat, tri bursat kryesore amerikane u mbyllën me 3 për qind rënie, ndërsa ato evropiane ranë në nivele të ulëta. Të enjten në mëngjes pjesa më e madhe e bursave evropiane u stabilizuan, por më pas tregtimet ranë me rreth 0.4 për qind. Analistët thonë se ringritja duket pak e vështirë.

Hezitimi i investitorëve të mërkurën u shkaktua nga lëkundjet në tregjet e bonove, që u interpretuan si një shenjë paralajmëruese për recesion të mundshëm në ekonomitë kryesore.

Kanë qenë po bonot e Thesarit ato që parashikuan rënien e fundit të madhe globale, më shumë se 10 vjet më parë.

Sidoqoftë, ka edhe analistë që tregohen më optimistë dhe e shohin atë çka po ndodh si diçka më të thjeshtë. “Jemi në gusht dhe njerëzit janë zakonisht larg biznesit, me pushime, ndaj edhe çdo lëvizje ekzagjerohet në këtë muaj”, thonë ata, shkruan TCH, përcjell Albinfo.ch.