Bota
Sipas një studimi, më shumë punëtorë refugjatë dhe më pak migrantë
Fenomeni i migracionit në vendet e industrializuara po ndryshon. Gjithnjë e më pak vetë kërkojnë azil, gjithnjë e më shumë vijnë për punë. Gjermania përfiton nga ky ndryshim.
Sipas një studimi të organizatës për Bashkëpunimin Ekonomik dhe Zhvillimin, OECD, Gjermania si më parë është një destinacion i preferuar si vend migrimi. Në bazë të një studimi krahasues të OCED, Gjermania renditet pas SHBA-së si vendi i dytë më i preferuar nga migrantët. Nga ana tjetër numri i të ardhurve si refugjatë në Gjermani ka rënë, në vend të tyre drejt Gjermanisë vijnë të huaj që kërkojnë punë apo duan të studiojnë, shprehet eksperti i OECD për migracionin, Thomas Liebig.
Në studim konstatohet edhe një fenomen tjetër. Gjithnjë e më pak punëtorë vijnë nga Europa Lindore. Polonia për shembull po kalon gjithnjë e më shumë nga një vend ku emigrohej në një vend destinacion për punëtorët migrantë. Ndërkohë që gjithnjë e më shumë vetë nga Ballkani Perëndimor kërkojnë punë në Gjermani. Në të njëjtën kohë ka rënë ndjeshëm numri i kërkesave për azil nga Shqipëria, Kosova, Bosnja, Maqedonia e Veriut dhe Mali i Zi. Thomas Liebig e sheh modelin e “Rregullores së Ballkanit Perëndimor” të inicuar nga qeveria gjermane gjatë krizës së refugjatëve në vitin 2015 si model për vende të tjera të OECD-së. Rregullorja e Ballkanit Perëndimor është e suksesshme, thotë ai.
Aktualisht shanset e atyre që kërkojnë punë në Gjermani janë shumë të mira. Në fund të vitit 2018, gati 70% e të ardhurve kishin gjetur punë. Por punët që bëjnë ata janë të thjeshta, shumë të ardhur ose nuk paguhen mirë, ose janë të mbikualifikuar.
Megjithatë pritet valë e re refugjatësh
Sipas studimit, në vitin 2018 në Gjermani ka rënë numri i kërkesave të para për azil me 18,3%, gjithsej janë shtruar 162.000 kërkesa në këtë vit. Në të gjitha vendet anëtare të OECD janë shtruar 1,07 milionë kërkesa për azil. “Ky është një nivel shumë shumë i ulët”, thotë Liebig.
Por OECD pret që në vitet e ardhshme të ketë sërish një valë të re refugjatësh. “Ne vetëm nuk e dimë, se kur”, thekson eksperti i migracionit, Thomas Liebig. Ekspertët vënë re po ashtu se në vendet e OECD ndryshimet në politikën e azilit kanë sjellë përshpejtimin e procedurave të azilit dhe përdorimin më të mirë të qendrave pritëse. Në BE në tërësi kërkesat e para për azil kanë rënë në nivelin e vitit 2014, por Komisioni Europian raportoi, se në korrik të këtij viti është shënuar një rritje e shpejtë e kërkesave.
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër