Lajme
Sommaruga zgjidhet kryetare e Konfederatës Zvicerane për vitin 2020
Me zgjedhjen e bërë sot, është hera e tetë që në krye të organit më të lartë të shtetit qëndron një grua.
Simonetta Sommaruga është kryetarja e radhës e Konfederatës së Zvicrës për vitin 2020. Në këtë post Sommaruga vjen për herë të dytë qyshkur ajo është pjesë e autoritetit më të lartë të vendit, Qeverisë Federale. Ekzekutivi i vendit përbëhet nga 7 ministra, nga të cilët për çdo vit njëri bëhet kryetar i Konfederatës. Personi në këtë pozitë, merr detyrime reprezentative për shtetin dhe uhdhëheq mbledhjet e Qeverisë Federale gjatë një viti.
Ndonëse kryetari/ja zgjidhet secilën herë nga kjo shtatëshe, megjithatë i nënshtrohet votimit të parlamentit, gjegjësisht Asamblesë Parlamentare në të cilën votojnë të dy dhomat së bashku, shkruan albinfo.ch. Kësaj here për ministren nga Partia Socialdemokrate, Simonetta Sommaruga kanë votuar 186 deputetë.
Me zgjedhjen e bërë sot, është hera e tetë që në krye të organit më të lartë të shtetit qëndron një grua.
Sommaruga në qeverinë e vendit është zgjedhur më 22 shtator 2010. Deri në fund të vitit 2018 ajo mbulonte Departamentin (Ministrinë) e Drejtësisë dhe Policisë (EJPD). Ndërsa nga fillimi i vitit 2019 drejton Departamentin për Ambient, Transport, Energji dhe Komunikacion (UVEK).
Në mbledhjen e sotme të Asamblesë Parlamentare është bërë rizgjedhja ose konfirmimi i të gjithë (7) ministrave që e përbëjnë Këshillin Federal. Prej tyre më së paku vota, por të mjaftuehsme për rizgjedhje, 145, i ka fituar ministri që vjen nga FDP-ja, Ignazio Cassis. Ky numër relatvisht i vogël i votave të tij shpjegohet me faktin se atë kësaj radhe e kishte sfiduar kandidatja nga Partia e Gjelbër (GPS) Regula Rytz, shkruan albinfo.ch. Por ajo, me vetëm 82 vota të fituara, nuk ka pasur shanse të zinte një vend në qeveri.
Të kujtojmë: pas fitores sensacionale të GPS në zgjedhjet e 15 tetorit të këtij viti (nga 6 % sa ishte u ngrit në 13%), kjo parti kishte shpallur ambicien që për herë të parë të bëhej pjesë e Qeverisë Federale. Me këtë veprim, sikur të zgjidhej sot znj. Rütz në qeveri, do të rrezikohej “fiormula magjike” mbi bazë të së cilës funksionon Këshilli Federal. Sipas kësaj formule, tri partitë më të mëdha (SVP, SP dhe FDP) japin nga dy ministra ndërsa partia e katërt, në këtë rast CVP, 1 ministër, shkruan albinfo.ch. Pas zgjedhjeve të 15 tetorit, GPS është e katërta ndërsa CVP, me një dallim të vogël, partia e pestë për nga fuqia në parlament.
Më tutje, ministrja tjetër nga FDP, Karin Keller-Sutter, është rizgjedhur me votat e 169 deputetëve. Më së shumti vota, 218 sosh, ka marrë ministrja nga CVP, Viola Ahherd. Pas saj vjen Alain Berset i SP-së me 214 vota, Ueli Maurer i SVP-së dhe kryetari aktual, ka marrë 213 vota, Simonetta Sommaruga (SP) 192 vota dhe Guy Parmelin (SVP) 191 vota.
E-Diaspora
-
Kori i Filharmonisë së Kosovës do të përformojë me një program të mrekullueshëm në Itali Bëhet e ditur se në qytetin me traditë të vjetër muzikore, në Romë, Kori i Filharmonisë...
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
-
Lukas Mandl fton shqiptarët në një tubim madhështor në Baden të Austrisë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë