Sommaruga: Zvicra fillon të pranojë kontigjente refugjatësh

Sommaruga ka njoftuar se Zvicra do të marrë një kontigjent prej 35 refugjatësh, duke iu përgjigjur pozitivisht kërkesës së bërë nga UNHCR

Ministrja e re e drejtësisë dhe e policisë, Simonetta Sommaruga, në një konferencë për medie i ka bërë një bilanc punës së saj në përmbyllje të njëqindditëshit të parë në këtë funksion. Kanë qenë ditë me angazhime dhe ajo ndjehet kryesisht mirë në postin të cilin e vlerëson si njërin ndër më të rëndësishmit në qeverinë e vendit, ka thënë ajo, sipas drs.ch.

Gjatë kohës së saj në krye të këtij resori, në Zvicër janë mbajtur dy fushata për votime popullore në nivel vendi.

Në këtë konferencë, Sommaruga ka njoftuar se Zvicra do të marrë nnjë kontigjent prej 35 refugjatësh. Këtë detyrim ajo e ka marrë duke iu përgjigjur pozitivisht kërkesës së bërë nga UNHCR. Fjala është për 30 refugjatë nga Iraku, gjysma nga të cilët të krishterë. Pesë të tjerët janë palestinezë.

Përmes pranimit të këtij kontigjenti, Zvicra vazhdon traditën e saj humanitare, ka thënë Sommaruga.