Kosova
Sonte në TV Arte: “Baleti Kombëtar i Kosovës vallëzon për mbijetesë”
"Pavarësisht kushteve të rënda, pagës së dobët dhe mungesës së perspektivës, valltarët mendojnë se është nder i veçantë të jesh pjesë e baletit kombëtar"
Sonte, më 11 mars 2021, në televizionin francez-gjerman Arte jepet kroniak “Aschenputtel Ballerinas” (Balerinat si Hirushja), njofton TV Arte.
Kronika e titulluar “Baleti Kombëtar i Kosovës vallëzon për mbijetesë” shfaqet me fillim në orën 19:40, transmeton albinfo.ch. Po ashtu mund të shikohet edhe në internet.
Teuta Krasniqi jep gjithçka nga vetja edhe në provën e sotme. Baleti i ardhshëm është shumë i rëndësishëm për solisten e Baletit Kombëtar Kosovar, sepse atë e ka kompozuar dhe koreografuar një nga valltarët e trupës.
20 artistët e baletit bëjnë prova në bodrumin e teatrit në Prishtinë. Pavarësisht kushteve të vështira, pagës së dobët dhe mungesës së çdo perspektive, valltarët mendojnë se është një nder i veçantë të jesh pjesë e baletit kombëtar, përcjell albinfo.ch. Përmes artit të tyre ata gjithashtu duan t’u japin bashkatdhetarëve ndjenjën se ia vlen të qëndrojnë në vendin e tyre të varfër dhe të jenë krijues.
“Baleti Kombëtar i Kosovës vallëzon për mbijetesë” përsëritet nga Arte: Më 12 Mars, 2021 në 12:15 pasdite. Zakonisht mund ta gjeni programin në internet pasi të jetë transmetuar në TV.
Viti i prodhimit është 2018, pra bëhet fjalë për reprizë por pasi nuk ka ndryshuar shumë për të mirë, ja vlen të shikohet edhe sot.
Gjatësia: 35 minuta (nga 19:40 në 20:15 )
Të ngjashme
Të tjera nga Kosova
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h