Spanja do të rihapet për turistët e huaj në korrik

Kryeministri spanjoll, Pedro Sanchez ka deklaruar se ky vend do të rihapet për të gjithë turistët e huaj gjatë muajit korrik.

“Jam duke ju njoftuar se nga muaji korrik, hyrja për turistët e huaj në Spanjë do të rikthehet me kushte të sigurta”, u ka thënë ai gazetarëve.

Qeveria ka prezantuar më 4 maj një plan me katër faza për të dalë nga izolimi i aplikuar për shkak të përhapjes së koronavirusit.

Numri i personave të infektuar dhe vdekurve në këtë shtet është duke rënë.

Sipas të dhënave të Universitetit Johns Hopkins, ky shtet ka regjistruar mbi 200,000 persona të infektuar dhe mbi 28,000 të vdekur me këtë virus.

Pavarësisht kësaj, Sanchez ka zgjatur të mërkurën gjendjen e jashtëzakonshme deri më 6 qershor, përcjell Albinfo.ch