Tematike

Studim nga Universiteti i Cyrihut, kërkohen njerëzit me mërzi dhe stres

Pjesëmarrësit do të jenë pjesë e një studimi shkencor në kuadër të programit Hap-pas-Hapi nga Universiteti i Cyrihut

Hap-pas-Hapi është një program për të ndihmuar njerëzit të përballen më mirë me mërzi dhe stres.

Ky program i ofrohet popullatës shqiptare, e cila jeton në Zvicër dhe Gjermani, nga Universiteti i Cyrihut, Zvicër në bashkëpunim me Freie Universität Berlin, Gjermani.

Ne kemi nevojë për shumë njerëz për ta provuar programin. Ju lutemi bashkohuni për të mbështetur studimin tonë! Nëse jeni mbi 18 vjeç, flisni gjuhën shqipe, dhe jeni duke përjetuar emocione të vështira, stres ose gjendje të mërzisë, atëherë ju ftojmë të merrni pjesë në këtë studim.

Synimi i studimit Hap-pas-Hapi është një program mbështetjeje i bazuar në prova shkencore, i siguruar përmes një aplikacioni smartphone ose një faqe në internet, dhe ne po e vlerësojmë atë në një projekt kërkimor.

Qëllimi i studimit tonë është të krahasojmë dy versione të programit për të zbuluar se cili version përdoret më shumë dhe funksionon më mirë. Procedura dhe kohëzgjatja e studimit Pas regjistrimit, do t’ju bëhen pyetje në lidhje me situatën tuaj aktuale emocionale. Nëse i plotësoni të gjitha kriteret, do t’ju kërkohet të plotësoni një seri pyetësorësh.

Pas kësaj, ju do të merrni rastësisht një nga dy versionet e Hap-pas-Hapi. Pastaj mund ta përdorni programin për një periudhë prej gjashtë javësh.

Pas përfundimit të programit dhe tre muaj më vonë, do t’ju kërkohet të plotësoni përsëri pyetësorët. Kompensimi: Nëse e përfundoni studimin plotësisht, do të merrni një kupon me vlerë 30 Euro. Ju merrni pjesë vullnetarisht.

Nëse dëshironi të tërhiqeni nga pjesëmarrja juaj më vonë, ju mund të tërhiqeni pa dhënë arsye.

Të gjitha të dhënat do të trajtohen në mënyrë konfidenciale. Nëse ne kemi ngjallur interesin tuaj për të marrë pjesë në studim dhe ju i përmbushni kriteret e mësipërme, atëherë vizitoni faqen tonë të internetit ose na dërgoni një e-mail.

Ju mirëpresim! Webfaqe: happashapi.org

E-Mail: [email protected]

Flyer-RCT_Hap-pas-Hapi_AL

Shkarko Dokumentin