Lajme

Studimi: 100 për qind e shqiptarëve janë të prekur nga ndotja e ajrit

Studimi tregon se Shqipëria 100 % i është ekspozuar ndotjes së ajrit

Shqipëria është e ekspozuar nga ndotja e ajrit 100%

Alergologia Imunologe Klinike, Alkerta Ibranji, tha për Tch se banorët e Shqipërisë çdo herë e më shumë kanë probleme me frymëmarrje.

“Kemi një shtim të rasteve me probleme respiratore, pra me probleme të asmës te fëmijët, por nuk dua të përjashtoj rastet e grave me diagnoza kronike respiratore dhe pikërisht i atribohen kësaj rritje të ndotjes atmosferike”, tha ajo.

Nga ana tjetër, ambinetalisti Xhemal Mato tha se ndotja e madhe e ajrit është në shkallë emergjente.

“Ndotja e PM2.5 e cila është një grimcë shumë e vogël 2.5 mikron qëndron pezull në ajër dhe në çdo 2-3 sekonda ne marrim dhe e fusim në organizëm. Kjo është një ndotje që shkaktohet kryesisht nga pluhurat, transporti, mosfshirja e rrugëve si dhe nga grimcat që nxjerrin vetë makinat. Kjo është një gjendje emergjente e madhe është njëlloj sikur të dënosh qindra persona të sëmurën dhe të vdesin për shkak të ndotjes”, është shprehur ai.

Sipas raportit ” STATE OF GLOBAL AIR 2019″, ndotja e ajrit ishte faktori i 5-të që ndikonte në vdekshmërinë e vitit 2017.

Problemet respiratore shënojnë numrin 5 në botë si shkaktar të vdekshmërisë dhe kjo nuk është pak. Sa më parë të ndërhyrjet aq më shumë, ky është një hedhje themeli në formim më të shëndetshëm në të ardhmen, sepse çfarë po ekspozohemi momentalisht kjo përkthehet në cenim të cilësisë së jetës dhe patjetër në sëmundshmëri, përcjell albinfo.ch.

Kujtojmë se Shqipëria në vitin 2016, sipas raportit kishte 1,377 vdekje nga ajri i ndotur, nga 1,357 në vitin 2010, me një rritje të lehtë. E krahasuar për vdekje për 100 mijë banorë, Shqipëria, së bashku me vendet e Ballkanit dhe Europës Qendrore renditet ndër shtetet me vdekjet më të larta. Për vendin tonë, ky raport është 38.9 vdekje për 100 mijë banorë. Nivelin më të lartë e ka Bullgaria, me 67.4, e ndjekur nga Maqedonia me 61.9, Bosnja me 55.9, Hungaria 52.3, Mali i Zi me 48.8.