Supë karote

Një supë me shije të lehtë me karotë dhe selino, për të marrë vlera ushqyese, në çdo stinë.

Përbërësit:

•       1 degë selino,
•       1 qepë (e vogël),
•       5 karotë,
•       2 feta bukë,
•       8 gr gjalpë (i aromatizuar),
•       1 lugë çaji gjalpë,
•       2 kuba koncentrat mishi,
•       800 ml ujë,
•       piper i zi,
•       1 lugë gjelle miell.

Përgatitja:

Në një tenxhere me vaj ulliri skuqni qepën me selinon.
Më pas shtoni karotat e prera në kubikë, shtoni ujë dhe koncetratin. Lëreni të ziehen.
Në një tigan skuqni me gjalpë 2 copat e bukës, të cilat i keni prerë në kubikë, derisa të kenë marrë ngjyrë të artë.
Pasi perimet të jenë zier, hidheni në mikser derisa të bëhen pure bashkë me lëngun.
Në një tenxhere tjetër skuqni pak gjalpë me miell dhe pastaj shtoni purenë e karotave. Përzieni gjithë kohën që të mos krijohen kokrriza.
Shërbejeni supën të ngrohtë dhe piper sipër.

Ju bëftë mirë

---