Shkurt.ch

Swisscom zhduk pa dashje të dhënat e klientëve nga “MY Cloud”

Të dhënat  janë shlyer padashur gjatë punimeve në sistem, sqaron Swisscom. Shkak për këtë është bërë një softuer me defekt.

Ndërmarrja kryesore e telekomunikacionit në Zvicër, Swisscom, ka fshirë aksidentalisht të dhënat private të qindra konsumatorëve të vet. Fshirja është e pakthyeshme, shkruan srf.ch duke iu referuar njoftimit të Swisscom-it.

Bëhet fjalë, veç tjerash, për fotografi dhe video personale.

Klientët e ndërmarrjes së përmendur i kishin ngarkuar të dhënat e tyre në shërbimin e deponimit të të dhënave elektronike “My Cloud”, e cila premton një ruajtje me siguri të plotë, transmeton albinfo.ch. Por ndodhi që një pjesë e të dhënave megjitahtë të zhduket.

Swisscom ka konfirmuar për srf.ch njoftimin e publikuar së pari nga gazeta Tages Anzeiger sot lidhur me zhdukjen në fjalë.

Të dhënat janë shlyer pa dashur gjatë punimeve në sistem, sqaron Swisscom. Shkak për këtë është bërë një softuer me defekt. Megjithatë, Swisscom thotë se janë zhdukur vetëm një pjesë e vogël e të dhënave.