Szunyog: Masat ndëshkuese ndaj Kosovës largohen kur plotësohen kushtet

Shefi i Zyrës së Bashkimit Evropian në Kosovë, Tomas Szunyog, është shprehur se Bashkimi Evropian është i gatshme që t’i heq masat ndëshkuese ndaj Kosovës, por kjo, sipas tij, bazohet në hapat që do t’i ndërmarr Qeveria e Kosovës për plotësimin e kushteve.

“Masat janë të formuluara në deklaratën e 3 qershorit të vitit të kaluar dhe ka konkluza të këshillit në dhjetor të vitit të kaluar të cilat paraqesin kushtet për këtë. Por, BE-ja është e gatshme që të heq masat, bazuar në rezultatet e hapave të ndërmarra nga pala kosovare”, tha ai.

Ambasadori Szunyog shtoi se pret nga Qeveria themelimin e Asociacionit të komunave me shumicë serbe si obligim ligjor./21media