Integrimi

Tefik Bajrami do të mbajë ligjëratë me temën “Nga refugjat në kampion botëror”

Në Zvicër ka shumë shqiptarë të suksesshëm dhe të integruar në shoqërinë zvicerane. Njëri ndër ta Tefik Bajrami.

Kampioni i boksit është një ndër më të njohurit në kantonin e Luzernit dhe është shembull i integrimit dhe suksesit.

Bajrami më 22 qershor do të mbajë një fjalim në shkollën e lartë në Luzern me temën “Nga refugjat në kampion botëror”, shkruan albinfo.ch.

“Po, në Kantonin e Luzern çdo verë festohet dita e refugjatëve, apo aksioni i njohur “Woche Asyl”. Unë do të mbaj një fjalim me temën “Nga refugjat në kampion botëror. Në vitin 1992 kam ardhur si azilkërkues. Babai im ishte i përndjekur politik. Për këtë arsye do të mbaj një fjalim në shkollën e lartë në Luzern në Werftestrasse 1 në 6000 Luzern, më 22 qershor, e shtunë paradite”, ka thënë Bajrami për albinfo.ch.

Veprimi i Azilit do të mbahet nga 15 deri më 23 qershor, derisa njëri ndër ata që do të ligjërojë është edhe ‘Uragani’ shqiptar.

Për një javë, banorët e interesuar të Luzernit mund të mësojnë më shumë për azilin dhe sfondin, kulturën dhe jetën e përditshme të njerëzve me azil. Takimet midis vendasve dhe njerëzve nga sektorët e azilit dhe refugjatëve duhet gjithashtu të nxisin mirëkuptimin reciprok.