Në aeroportin e Rinasit vazhdojnë fluturimet

Aeroporti Ndërkombëtar i Tiranës njofton se fluturimet vijojnë normalisht

Në një kohë kur Shqipëria po përjeton momente paniku pas tërmetit 6.3 ballë që goditi vendin, Aeroporti Ndërkombëtar i Tiranës njofton se fluturimet vijojnë normalisht.

Raportohet se pas një evakuimi që u bë për pasagjerët në momentin e rënies së tërmetit, gjendja është normalizuar.

“Udhëtarët janë të qetë. Shpresojmë në sa më pak dëmtime dhe urojmë jetën e çdo shqiptari.
#solidaritet”, thuhet në njoftimin e autoriteteve të aeroportit.

Ndërkohë në një njoftim të dytë, TIA bën me dije se “aeroporti vijon operimet normalisht. Në këtë moment të brishtë për njerëzit dhe vendin, çdo lajm i pasaktë është në dëm të gjithkujt që i ka sytë nga Shqipëria. Bëjmë thirrje për saktësi informacioni dhe mbi gjithçka për solidaritet me njëri-tjetrin”.

---