Thaçi: Komisioni Evropian ka qasje diskriminuese ndaj Kosovës

"Edhe një herë e ritheksoj që qëndrimi i Bashkimit Evropian është absurd dhe i turpshëm në raport me qytetarët e Kosovës dhe institucionet e Kosovës"

Presidenti i Kosovës Thaçi në një intervistë për Deutche Welle duke shpjeguar kresën e tij për vaisjen e qytetarëve të Kosovës me pasaporta të Shqipërisë që të lëvizin lirshëm në zonën Schengen, ka vazhduar kritikat e tij ndaj Bashkimit Evropian.

“Edhe një herë e ritheksoj që qëndrimi i Bashkimit Evropian është absurd dhe i turpshëm në raport me qytetarët e Kosovës dhe institucionet e Kosovës. Ne nuk kemi kërkuar as më pak e as më shumë sesa të trajtohemi barabart sikurse vendet e tjera të rajonit e jo të dyfishohen kriteret”, ka thënë Presidenti Thaçi.

Ai ka ritheksuar se vendi ka përmbushur 94 kritereve për liberalizimin e vizave nga 95 sa ishin ndërsa ka mbetur edhe ratifikimi demarkacionit me Malin e Zi.

“Ky kriter i është vënë Kosovës padrejtësisht dhe në mënyrë befasuese nga BE-ja që unë mendojë që më tepër sesa kriter për implementim, ka qenë kurth politike nga Komisioni Evropian që ta shtyjë edhe më tutje liberalizimin e vizave për Kosovën. Prandaj mendoj se BE-ja duhet të fillojë të ndryshojë qasje në raport me Kosovën. Këtij Komisioni Evropian i kanë mbetur edhe 17 muaj mandat dhe shoh se nuk ka qëllim dhe vizion për Kosovën dhe ky ka qenë mesazhi im për qytetarët e Kosovës për institucionet e Kosovës”, ka thënë Thaçi.