Kosova
Thaçit i kundërshtohet lirimi me kusht: S`ka dritë jeshile as për të tjerët!
Bëhet e ditur se Gjykata Speciale ka refuzuar garancinë e Policisë së Kosovë për lirimin me kusht të ish-presidentit të Kosovës, Hashim Thaçi, i cili po mbahet në burgun e Sheveningenit, në Hagë.
Sipas njoftimit, njëra nga arsyet që e paraqitura nga kjo gjykatë për refuzimin në fjalë lidhet me ndërhyrjen në procesin gjyqësor në Kosovë, ku u shfaqën edhe akuza se Agjencia Kosovare e Inteligjencës kishte dy agjentë të paraqitur si dëshmitarë, për të dhënë dëshmi të fabrikuara. Një arsye tjetër është gjoja pasiguria dhe frika e dëshmitarëve të mbrojtur, thonë mediat në Kosovë.
“Dëshmitarët nuk kanë nevojë të lëndohen fizikisht për t’u frikësuar; edhe perspektiva e lirimit të të akuzuarve në Kosovë krijon frikë dhe pasiguri te dëshmitarët në këtë rast”, theksohet në dokumentet e Gjykatës Speciale. Avokati mbrojtës i Thaçit sakaq ka rreshtuar një sërë argumentesh që, sipas tij, Gjyqtari i Procedurës Paraprake duhet t’i marrë parasysh për ta lejuar Thaçin të qëndrojë në arrest shtëpie.
Ai përmend garancitë e dhëna nga Policia e Kosovës dhe garancitë e Qeverive të vendeve të treta, e nënvizon se nuk ka asnjë rrezik që klienti të tij të tentojë të largohet, të bëjë përpjekje për të penguar procedurat e Gjykatës, apo “të kryejë ndonjë vepër tjetër penale”.
Zyra e Prokurorit të Specializuar, përmes një shkrese drejtuar gjykatës, ka kundërshtuar po ashtu dhe lirimin e Kadri Veselit, Rexhep Selimit dhe Jakup Krasniqit nga paraburgimi, ku ndër të tjera thotë se Policia e Kosovës nuk mund të zbatojë në mënyrë efektive kushtet e propozuara.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë