Thirrje në Zvicër: Qeveria të kërkojë zgjidhje për krizën e banesave

Përballë mungesës së banesave dhe rritjes së qirave

Përballë mungesës së banesave dhe rritjes së qirave, ministri i Ekonomisë, Guy Parmelin, do të mbledhë së bashku përfaqësues të kantoneve, sektorit të ndërtimit, si dhe shoqatat e qiramarrësve dhe pronarëve, për të gjetur zgjidhje për situatën kritike, përcjell albinfo.ch.

Ndër masat që duhen diskutuar janë rregullat për përdorimin e tokës, në mënyrë që më shpejt të ndërtohen më shumë shtëpi të reja.

“Sfidat para nesh janë të mëdha”, tha Parmelin të martën, duke shtuar se nëse kriza aktuale nuk zgjidhet shpejt, ajo do të krijojë tensione sociale midis popullatës.

I tillë ishte tashmë rasti kohët e fundit kur banorët e Cyrihut dolën në rrugë për të shprehur zemërimin e tyre me mungesën e banesave të përballueshme.

 

---