Futboll

Tifozi i vendos Shaqirit, xhaketën me emblemë të UÇK-së

Një ngjarje jo e zakonshme ka ndodhur pas ndeshjes Zvicër-Irlandë e Veriut

Zvicra fitoi përballjen ndaj Irlandës së Veriut 2:0, ku Xherdan Shaqiri ishte kapiten dhe luajti deri në minutën e 92-të.

Por, pas ndeshjes ka ndodhur diçka jo e zakonshme. Një tifoz e ka vendosur xhaketën me emblemën e UCK-së (Ushtria Çlirimtare e Kosovës) te Shaqiri, shkruan albinfo.ch.

Ylli shqiptar në fillim ka reaguar me buzëqeshje dhe më pas e ka larguar.

Rast që është komentuar edhe nga mediat zvicerane. Kujtojmë rastin kur Xherdani kishte festuar me shqiponjë pas golit ndaj Serbisë më 2018 në Kampionatin Botëror në Rusi. Shaqiri dhe Granit Xhaka ishin dënuar me 10 mijë, por rasti kishte bërë bujë në Zvicër dhe më gjerë.

 


LAJME INTERESANTE NGA INTERNETI