Lajme
Tollovi në aeroportet e SHBA-së, kontrollohen udhëtarët e kthyer nga Evropa
Aeroportet në Shtetet e Bashkuara janë përfshirë nga kaosi dhe tollovia, pas masave për kontrollimin e të gjithë udhëtarëve që janë kthyer nga Evropa.
Në aeroporte u formuan radhë të gjata të njerëzve. Pasagjerët po detyrohen të presin disa orë për t’u kontrolluar për koronavirus para se të kalojnë në sektorin e kontrollit nga zyrtarët e doganës.
Pasagjerët që ndodheshin në dy aeroporte të Çikagos kanë raportuar për radhë të gjata të udhëtarëve që kanë ardhur nga Evropa, të cilat janë të detyruar të kontrollohen nga mjekët.
Më parë, nënpresidenti Mike Pence njoftoi se vendimi për ndalimin e hyrjeve të udhëtarëve nga vendet evropiane do të vlejë edhe për Britaninë e Madhe dhe Irlandën nga dita e martë.
Raportohet se në Shtetet e Bashkuara po rriten vështirësitë dhe konfuzioni në lidhje me situatën e krijuar për shkak të frikës nga mungesa e shtretërve në spitale dhe shqetësimet për kujdesin ndaj fëmijëve pasi dhjetëra milionë nxënës tashmë ndodhen në shtëpi.
Deri më tani, më shumë se 2700 persona janë infektuar me koronavirus në Shtetet e Bashkuara dhe 54 kanë vdekur, shkruan “BBC”, transmeton Gazeta Express.
Kompanitë ajrore amerikane kanë thënë se do t’i pakësojnë deri në 75 për qind fluturimet ndërkombëtare deri më 6 maj.
Të ngjashme
Të tjera nga Lajme
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër