Të tjera

Tre sportistë humbin Lojërat Olimpike, testohen pozitivë me koronavirus

Tre sportistë nga tri shtete të ndryshme do të humbasin Lojërat Olimpike, pasi kanë rezultuar pozitivë me COVID-19 të mërkurën, më pak se dy ditë para fillimit të ngjarjes së madhe, raporton agjencia AP.

Taekwondistja kiliane Fernanda Aguirre, skejtborderja holandeze Candy Jabos dhe pingpongisti çek Pavel Sirucek janë detyruar të tërhiqen nga garat dhe janë vendosur në karantinë.

Aguirre testoi poztive në ardhje në aeroport, ndërsa rezultatet e Jacobsit dhe Sirucekut janë bërë të ditura derisa ata u vendosën në Fshatin Olimpik. Numri total i rasteve pozitive në Fshatin Olimpik ka arritur në shtatë.

Jacobs ka postuar një mesazh në Instagram, ku ka thënë se është e dërrmuar që ëndrra e saj olimpike ka mbaruar ende pa nisur.

Ndërkohë për shkak të rastit të ri, disa sportistë çekë që kanë qenë në kontakt i janë nënshtruar testimit sot dhe janë izoluar.