Triumf ëndrrash i Lara Gut-Behramit në Botërorin e St.Moritz-it

Me kohën përrallore prej 1: 19.82 minuta, ajo ka lënë mbrapa edhe Sofia Goggia-n, e cila kishte triumfuar në 3 garat e para të shpejtësisë të sezonit në Lake Louise

Skitarja zvicerane nga Ticinoja,  Lara Gut-Behrami ka fituar me një rrëshqitje fenomenale në Super-G në St. Moritz, duke lënë mbrapa stë gjitha rivalet e saj të njohura botërore.

Kështu dukej  sot podiumi pas garës në St.Moritz:
1. Lara Gut-Behrami (SUI) 1: 19.82 minuta
2. Sofia Goggia (ITA) +0,18 sekonda
3. Mikaela Shiffrin (SHBA) +1,18

Lara Gut-Behrami me numrin 7 bëri një rrëshqitje ëndrrash në dëborë në “Engiadina”, duke kaluar garuesen tjetër, Elena Curtoni, e cila kishte qenë në epërsi deri atëherë, për 1.74 sekonda.

Me kohën përrallore prej 1: 19.82 minuta, ajo ka lënë mbrapa të gjitha konkurrentet  e saj përfshirë edhe Sofia Goggia-n, e cila kishte triumfuar në 3 garat e para të shpejtësisë të sezonit në Lake Louise.

Italiania e ndodqi gjithë kohën Gut-Behramin dhe në fund humbi për 18 të qindtat. Mikaela Shiffrin zuri vendin e tretë, duke fituar kështu podiumin e saj të 111-të.

Gut-Behrami rrezatuese
“Është bukur të fitosh sërish këtu. Nuk ishte e lehtë. Shikueshmëria nuk ishte aq e mirë dhe kishte shumë dallgë”, tha Gut-Behrami pas fitores së saj. “Por më pëlqen të udhëheq në Super-G, garë kjo ku duhet të japësh të gjitha. Dhe, unë ia dola”.

---

LAJME INTERESANTE NGA INTERNETI