Trump: Është e vështirë të arrihet marrëveshje me BE-në

Trump vuri në dukje se nuk do të ishte e lehtë dhe se “është shumë e vështirë të arrihet një marrëveshje me BE

Presidenti i SHBA-së, Donald Trump, i ka thënë udhëheqësit britanik, Boris Johnson, se ai ‘bashkëndihet’ me përpjekjet e tija për të arritur një marrëveshje mbi Brexit, duke sugjeruar që Bashkimi Evropian do të jetë i pakompromis dhe vështirë se do të arrihet një marrëveshje.

Duke folur në fund të samitit të G7 në Francë, Trump e lavdëroi hapur Johnson, i cili mori pushtetin muajin e kaluar, dhe tha se duhej të përpiqej të bënte diçka me Brexit-in, një detyrë që paraardhësja e tij, Theresa May, nuk kishte arritur të bënte.

Përkatësisht, ajo nuk mundi të arrijë një marrëveshje përmes Parlamentit tri herë dhe më pas u tërhoq nga pushteti dhe partia e saj.

Trump vuri në dukje se nuk do të ishte e lehtë dhe se “është shumë e vështirë të arrihet një marrëveshje me BE-në”.

“Thjesht, pyesni Teresa May”, u shpreh ai, përcjell Albinfo.ch.

---