Shqipëria
Turisti raporton policinë shqiptare për një kamion të mbingarkuar në rrugë
Një shtetas i huaj, vizitor në Shqipëri, është çuditur teksa në rrugë para automjetit të tij ka parë të udhëtojë një kamion i mbingarkuar me kashtë. Ka komunikuar me Policinë e Shtetit në faqen zyrtare të saj në Instagram, ku i ka nisur një video nga udhëtimi i rrezikshëm i kamionit që në kthesë mund edhe të përmbyset si pasojë e mbingarkesës, duke rrezikuar edhe të tjerët në rrugë. Policia, e cila ka marrë mesazhin denoncues të turistit, ka ndërhyrë duke identifikuar mjetin të cilin e ka gjobitur me 3 mijë lekë të rinj.
Në shenjë falënderuese për besimin e dhënë përmes raportimit të situatës, Policia e Shtetit i është përgjigjur turistit duke e njoftuar se shqetësimi i tij u adresua dhe se drejtuesi i automjetit u gjobit, shkruan shqiptarja, përcjell albinfo.ch.
“Ndjesë për shqetësimin. E mora numrin tuaj në faqen e Policisë në Instagram. Dua të sinjalizoj një sjellje anormale, mjeti në kthesën e parë mund të përmbyset duke dëmtuar veten dhe përdorues të tjerë të rrugës. Ndërhyni ju lutem…”, shkruan turisti teksa i ka ofruar policisë edhe videon nga ecja e kamionit të ngarkuar me kashtë.
Policia Rrugore e Korçës thotë se masa administrative ndaj drejtuesit të mjetit kundërvajtës i është dërguar në adresën e banimit përmes Postës Shqiptare.
“Së bashku mund ta bëjmë rrugën më të sigurt! Qëllimi është që çdo drejtues mjeti të mbërrijë e/i sigurt në destinacion”, shprehet policia.
Të ngjashme
Të tjera nga Shqipëria
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?