Muzikë

Turtle Fest 8, sjell mbi 45 artistë në Drimadhë

Gjatë datave 26, 27 dhe 27 korrik, në Drimadhë të Shqipërisë do të mbahet edicioni i tetë i Turtle Fest, përcjell albinfo.ch.

Përgjatë tri netëve, në këtë festival do të performojnë artistë të ndryshëm.

“Edhe këtë herë, kemi përgatitur për ju një program muzikor gjithëpërfshirës me disa prej artistëve më përfaqësues të skenave bashkëkokohore globale, të cilët, siç është tashmë zakon, gërshetohen me artistët shumë të dashur lokalë”, kanë njoftuar organizatorët.

Ndërkaq, ministri Turizmit dhe Mjedisit në Shqipëri, Blendi Klosi, ka shkruar se ky festival do të mbledhë mijëra të pranishëm.

“Është koha për Turtle Fest! Evenimenti i njohur muzikor për të rinjtë shqiptarë dhe europianë, vjen verën e vitit 2019, në edicionin e tij të 8-të. 3 net muzikë, spektakël në brigjet e detit Jon, në Drimadhë! Mijëra vizitorë, mbi 45 DJ më të famshëm nga gjithë bota do të shijojnë muzikën, natyrën dhe pamjet spektakulare të rivierës së jugut, në Shqipëri”, ka shkruar Klosi.