UNICEF: Numri i fëmijëve të infektuar me HIV është në rënie

UNICEF-i tha se numri i të rinjve që do të kenë HIV deri në vitin 2030 mund të reduktohet nga një e treta, në 1.9 milion njerëz, ndërsa numri i fëmijëve që vdesin çdo vit si rezultat i virusit mund të ulet në 56000.

UNICEF në raportin e fundit thekson se reduktimi i numrit të fëmijëve të infektuar dhe të sëmurë është një lajm i mirë, por një proces i tillë është ende i ngadalshëm.

Deri në vitin 2030, 270 mijë të rinj nën moshën 19-vjeçare mund të infektohen, shumica e tyre në Afrikë, sipas një raporti të UNICEF-it.

Sipas UNICEF-it, vetëm gjysma e fëmijëve me HIV pozitiv trajtohen nën moshën 14 vjeç.

Raporti i publikuar para Ditës Botërore të AIDS-it është i një rëndësie të veçantë për Afrikën, ku pritet dyfishimi i popullsisë deri në vitin 2050.