Koronavirusi: çast pas çasti

Vaksinimi në botë: Cili është vendi i parë

Deri më sot nuk ekziston një databazë globale që mbledh të dhënat në formë të përgjithshme për normat e vaksinimit COVID-19

Izraeli ka vaksinuar, deri më 6 janar, 17% të popullsisë, gjë që përfaqëson normën më të lartë të imunizimit në botë.

Kjo rezulton nga të dhënat e portalit Our World in Data, fryt i bashkëpunimit me Universitetin e Oksfordit, që mat numrin e njerëzve që kanë marrë dozën e parë të vaksinës COVID.

Konkretisht, Izraeli regjistron një normë prej 17,14 dozash për 100 banorë, ndjekur nga Emiratet Arabe (8,35) Bahrejni (3,49) dhe Shtetet e Bashkuara (1,46). Italia, me më shumë se 320 mijë vaksinime të kryera deri më tani (0,55% të totalit) është vendi i parë në Bashkimin Evropian për vaksinimin kundër COVID.

Duke qenë se nuk është një garë dhe nuk duhet trajtuar si e tillë, le të përpiqemi të shpjegojmë se si mund të monitorohet statusi i imunizimit të globit, transmeton Monitor, përcjell albinfo.ch.

Deri më sot nuk ekziston një databazë globale që mbledh të dhënat në formë të përgjithshme për normat e vaksinimit COVID-19.

Në Evropë, European Center for Disease Prevention and Control monitoron politikat e vaksinimit por për COVID-19, nuk ekziston një agregues unik.