Shqipëria

Vasili i del në mbrojtje policit që zbuloi rastin e përdhunimit të një vajze

Kreu i grupit parlamentar të LSI-së, Petrit Vasili  në një postim në facebook ka akuzuar kryeministrin Rame që, sipas tij, kërcënon denoncuesit e dhunës, duke shtuar se nuk guxoi të thoshte një fjalë për oficerët e policisë të përfshirë në trafikun e drogës.

“Kryeministri moçal, qe s’fliste per shefat e policisë te drogës ne arrati, sot kërcënon denoncuesit e dhunës. Një grup shefash policie qe drejtonin trafikun e drogës u arratisen kohe me pare. Ata ishin prova me e rende dhe tmerrshme e nje policie te inkriminuar pa shërim. Ky kryeministri moçal s’guxoi te fliste një fjale për këta po rrinte si zhabë dhe mezi priste lajmin e gëzuar qe shefat e policisë ikën dhe i shpëtuan arrestimit”, ka shkruar ai.

Vasili i ka dalë në mbrojtje oficerit të policisë që e denoncoi rastin e dhunën së vajzës nga djali i deputetit socialist.

“Heronjtë e këtij zhabës janë ata që përdhunojnë, që trafikojnë drogë, dhe janë pjesë e krimineleve,ndërsa armiqtë e tij janë ata qe e denoncojnë dhunën drogën krimin si Emiljano Nuhu, Dritan Zagani etj. Zhaba apo heroi i horrave nuk votoi arrestimin e ish ministrit të brendshëm të përfshire në trafik droge, mori përsipër mbrojtjen e Agron Xhafes trafikant droge edhe gënjeu për të”, ka shkruar ndër të tjera Vasili.