Kosova
Ministri Vitia kërkon prioritet në zbardhjen e rastit të 26-vjeçarit
Derisa deklarohet se është i gatshëm të japë dorëheqje si akt moral pas kësaj ngjarjeje
Ministri në detyrë i Shëndetësisë, Arben Vitia, ka kërkuar nga Prokuroria që ta ketë në prioritet rastin e vdekjes së 26-vjeçarit, i cili u hodh dje nga kati i pestë i konviktit në Qendrën e Studentëve, ku po qëndronte në karantinë.
Ministri i Shëndetësisë, Arben Vitia, në një konferencë për media tha se vdekja e 26-vjeçarit nga Gjilani ka qenë lajm tragjik për të gjithë.
Ai ka thënë se është i gatshëm të japë dorëheqje pas këtij rasti.
Ai ka thënë se si ministri i Shëndetësisë dhe Qeveria do t’i ndërmarrin të gjitha veprimet për zbardhjen e rastit dhe të mos paragjykohet ky rast.
“Kjo fatkeqësi na ka prekur të gjithëve. U bënë rreth dy muaj në këtë atmosferë pandemie, kohë e gjatë në kufizimin e lëvizjes. Por masat kanë qenë të detyrueshme dhe i kemi marrë si të gjitha shtetet e tjera për mbrojtjen e qytetarëve. Dje kur po ndërtonim raportin me të dhënat pozitive që po vinin nga IKSHPK, u njoftuam për këtë ngjarje. Si institucion nuk mund t’i lejomë vetes të flasim për gjera të pavërtetuara, nga ministria e Shëndetësisë do të bëjmë të gjitha veprimet institucionale dhe do të zbardhen të gjitha detajet lidhur me rastin”, ka thënë ai.
Ai tutje ka shtuar se çdo supozim i parakohshëm, është mungesë e përgjegjësisë.
“I bëj thirrje Prokurorisë që ta vendosë në prioritet hetimin e rastit. Çdo supozim i parakohshëm do të ishte mungesë e përgjegjësive. Ne jemi të ndërgjegjshëm që në raste të tillë ngushëllimet nuk mjaftojë. Të bëhemi të fortë në këto qaste dhe t’u ofrojmë mbështetje atyre që kanë nevojë”, ka thënë ai.
Vitia ka thënë se do të kërkojnë raport nga secili institucion, duke filluar nga ambasada e Kosovës në Gjermani e deri të përgjegjësit në Qendrën e Studentëve.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Të dhënat e pasagjerëve ajror duhet të jenë në gjendje të përdoren nga policia Mbledhja e të dhënave të caktuara nga pasagjerët e ajrorë dhe ruajtja e tyre për një...
-
Zvicër: Një burrë plagos disa persona në Zofingen
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit