Shqipëria
Vlora, destinacioni i të gjithë shqiptarëve
Kryetari i Bashkisë së Vlorës, Dritan Leli, ftoi sot të gjithë qytetarët vlonjatë, e jo vetëm të marrin pjesë mbrëmjen e së premtes në hapjes e sezonit turistik në qytetin bregdetar.
Në një deklaratë për mediat nga bulevardi i ri “Ismail Qemali”, kryetari Leli theksoi se “sezoni turistik i këtij viti do të jetë sezoni më suksesshëm se ai një viti më parë dhe destinacioni i të gjithë shqiptarëve dhe jo vetëm për verën e këtij viti”.
“Nesër në mbrëmje do të zhvillohet “Lungomare on Fest”, një koncert fantastik, ku janë të ftuar shumë këngëtarë Ghetto Geasy, Anxhela Peristeri, Aurel Thellimi, Klajdi dhe Bruno si dhe DJ e njohur, DJ Aldo dhe Bessy DJ “.
“Po ashtu pjesë e koncertit është edhe diva e muzikës shqiptare, që ka origjinën nga Vlora ka dhënë aq shumë për muzikën në këtë vend saqë meriton emrin e madh që mbart me vete. Do të jetë nesër këtu për vlonjatët dhe të gjithë ata që do të ndodhen në mbrëmje në Vlorë, Aurela Gaçe, një emër i madh i muzikës, e cila gjithashtu shprehu dëshirën të jetë pjesë e këtij koncerti të madh si një vajzë e Vlorës për të treguar që ne vlonjatët dimë të bëjmë punë të mira, koncerte të mëdha, dimë të lëmë emër dhe të bëjmë histori”, theksoi Leli.
Kreu i Bashkisë së Vlorës u shpreh se “jam i bindur se do të mbushet sheshi plot me njerëz për të pritur këtë këngëtare të madhe që do të ndryshojë mbrëmjen nesër në Vlorë”, shkruan atsh, përcjell albinfo.ch.
Pamjet që ofron qyteti bregdetar këtë sezon turistik dëshmojnë transformimin që është bërë falë investimeve me projekte madhore. Projekte të standardeve europiane si Lungomare, janë cilësuar si kartëvizita më e mirë dhe një ftesë për turistët e huaj.
Vlora me brigjet e saj, Karaburunin, Sazanin, Llogoranë, kalanë e Kaninës, Lagunën e Nartës, plazhet e shumtë, monumentet, njerëzit, prodhimet e tokës dhe të detit është gjithnjë e më shumë e frekuentuar nga turistët vendas dhe të huaj.
Të ngjashme
Të tjera nga Shqipëria
E-Diaspora
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
Jeta në Zvicër
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër