Voziti 172 kilometra në orë, Policia e dënon dhe ia konfiskon lejen e vozitjes

Policia e Kosovës ka njoftuar se ka gjobitur një qytetar pasi ka tejkaluar limitet e vozitjes duke e zënë në radar në shpejtësi prej 172 kilometra në orë, në një zonë ku kufizimi i shpejtësisë ishte 100.

Sipas Policisë qytetari u gjobit me 300 euro, tre pikë negative dhe për tre muaj i ndalohet drejtimi i mjetit me veprim motorik.
“Policia e Kosovës po vazhdon dhe do të vazhdojmë me ndërmarrjen e masave dhe veprimeve policore ndaj të gjithë kundërvajtësve të cilët rrezikojnë sigurinë në trafikun rrugor”, thuhet në njoftim, transmeton Albinfo.ch.