Kosova
Vrasje në Gjakovë e Gjilan
Një grua është vrarë në Gjakovë, dyshohet nga burri i saj, derisa në Gjilan është vrarë një 24-vjeçar për motive të ulëta
Sot pak pas mesnatës ka ndodhur një vrasje tjetër e një gruaje në Gjakovë. Policia ka dalë në vendin e ngjarjes dhe ka konstatuar se është plagosur një grua 50-vjeçare, e cila më pas ka ndërruar jetë në Spitalin Rajonal të Gjakovës.
“Dyshimet e para janë se incidenti është shkaktuar nga burri i saj. Deri më tani kemi vetëm dyshime për vrasje aksidentale”, ka thënë zëdhënësi i Policisë në Rajonin e Gjakovës.
Sipas burimeve të Kallxo.com, çifti nga komuniteti egjiptas ishin duke qëndruar në oborr, ku kanë qenë duke e pastruar një revole që e kishin së bashku. Fëmijët e tyre thuhet se kanë dëgjuar vetëm një të shtënë, ndërsa kur kanë dalë, e kanë parë të atin duke e ndihmuar nënën e plagosur, përcjell albinfo.ch.
Mësohet se pas kësaj ngjarjeje burri është në arrati. Kjo ngjarje ka ndodhur në rrugën “Ali Ibra” në Gjakovë.
Ndërkohë, pas vrasjes gjatë ditës së djeshme në Gjilan, Policia e rajonale e këtij qyteti, me një kumtesë ka dhënë detajet rreth saj.
Gjatë të shtënave është vrarë një 24-vjeçar, ndërsa janë arrestuar dy persona të dyshimtë për vrasje, një i moshës 47-vjeçare, e tjetri i lindur në vitin 2002, i cili edhe mendohet të jetë ekzekutori.
Kjo është kumtesa e Policë lidhur me vrasje:
“Në vendin e ngjarjes ka dalë mjeku kujdestar dhe fatkeqësisht vetëm ka mundur ta konstatojë se viktima A.N. (1994) ka qenë pa shenja jete, dyshohet nga shkrepja e armës së zjarrit. Policia ka arritur t’i arrestojë dy të dyshuarit shqiptarë, shtetas të Kosovës, banorë rezidentë të fshatit Verbicë e Zhegocit B.N. (1971), si dhe A.N. (2002). Ata janë sjellë në stacionin policor, ku janë intervistuar në prani të avokatëve mbrojtës, po ashtu në vendin e ngjarjes është konfiskuar një pushkë e gjuetisë, me të cilën dyshohet se është kryer vrasja, arma është konfiskuar në cilësi të provës materiale. Janë identifikuar disa dëshmitarë okularë, të cilët po ashtu janë intervistuar nga ana e hetuesve policorë, kurse në ndërkohë në vendngjarje ka ardhur prokurori i shtetit dhe IML-ja, të cilët me urdhër të prokurorit të shtetit trupin e pajetë të viktimës e kanë dërguar për autopsi. Ndaj dy të dyshuarve nga ana e prokurorit të shtetit është lëshuar aktvendimi mbi ndalim prej 24 orëve për të dyshuarin kryesor të miturin A.N. (2002), si dhe 48 orëve për të dyshuarin tjetër”, përcjell albinfo.ch.
Dyshohet se kësaj ngjarje të rëndë t’i kenë paraprirë mosmarrëveshjet dhe motivet e ulëta që kanë pasur mes vete viktima dhe të dyshuarit. Hetimet rreth këtij rasti të rëndë janë në vazhdim.
Të ngjashme
Të tjera nga Kosova
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët