‘Vullkani’ shqiptar të shtunën ngjitet në ring, kërkon fitore

Boksieri shqiptar i cili jeton dhe vepron në Bazelit, Faton Vukshinaj do të ketë një meç të rëndësishëm të shtunën

Faton Vukshinaj, i njohur me nofkën ‘Vullkani’, të shtunën (nesër) do të ngjitet në ring dhe do të ketë një duel shumë të rëndësishëm në karrierën e tij.

Boksieri shqiptar, i cili jeton dhe vepron në Zvicër, do të ndeshet me boksierin argjentinas, Nicolas Pito, i cili ka bilanc prej 26 fitoreve dhe nëntë humbjeve, shkruan albinfo.ch.

Vukshinaj po përgatitet maksimalisht për këtë duel, që zhvillohet në Bazel. Ai ka 13 fitore në boksin profesionist, prej tyre tetë me nokaut dhe dy barazime.

Ai ka kërkuar përkrahjen e tifozëve shqiptarë, ashtu siç e kanë përkrahur gjithmonë, ndërsa do të ketë edhe nëntë duele të tjera në këtë mbrëmje të madhe të boksit në Bazel.

LAJME INTERESANTE NGA INTERNETI