Futboll
Xhaka: Jam krenar me Kosovën dhe Shqipërinë
Familja Xhaka, edhe pse e ndarë mes Zvicrës dhe Shqipërisë, kurrë nuk i ka munguar përkrahja për kombëtaren kuqezi.
Granit Xhaka, që ka zgjedhur të përfaqësojë ngjyrat e Zvicrës, bashkë me Agon Xhakën, si dhe me babain, gjenden të gjithë në “Elbasan Arena”, për të parë Shqipërinë ndaj Moldavisë, si dhe pjesëtarin tjetër të familjes, Taulantin, por që në këtë takim do ta nisë nga banka rezervë.
Ndërkohë, në një prononcim për “Supersport”, Xhaka u shpreh: “Është hera e parë që e ndjek Taulantin këtu në stadium, “live” te Shqipëria. Kosova? Isha krenar me Kombëtaren e Kosovës, por edhe me të Shqipërisë. Nuk ishte e lehtë ndaj Bullgarisë, por luajtën mirë dhe në fund isha krenar për ta. Kanë një kombëtare të mirë, po kalojnë një fazë me fitore, dhe ishalla vazhdojnë kështu.
Shqipëria? Për momentin Shqipëria nuk po kalon një fazë të mirë, por me një fitore shpresoj ta kthejnë sot. Vetëm pak kam që kam mbaruar stërvitjet, sot në mëngjes udhëtova në Prishtinë, erdha me babin dhe vëllanë 4 orë me makinë, për të parë Shqipërinë. Do të kthehem sot sërish në Prishtinë, të rrimë 7-8 ditë atje, dhe më pas me nusen do të shkojmë në pushime”, deklaroi Granit Xhaka, përcjell albinfo.ch.
“Taulanti? Po, ai ka edhe 2 vjet kontratë me Baselin. Nuk e dimë çfarë do të ndodhë, por ai është shumë i lumtur aty. Do presim këtë ndeshjen e fundit, dhe do të shohim çfarë do të bëjë dhe ai. Shpresoj që sonte të fitojë Shqipëria, pas asaj humbje me Islandën. 3 pikët janë të rëndësishme”, u shpreh Xhaka.
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër