Muzikë
“Za Fest” dhe “Sunny Hill Festival”, mbahen në të njëjtat data
Njëri në Theth, e tjetri në Prishtinë, janë dy festivale që përpos muzikës, kanë të përbashkët edhe datat kur do të mbahen, shkruan albinfo.ch.
Më 2, 3 dhe 4 gusht të këtij viti, në dy vende të ndryshme, do të mbahet “Za Fest” dhe “Sunny Hill Festival”.
Që të dy festivalet do të sjellin në tokat shqipfolëse edhe artistë ndërkombëtarë, duke promovuar kështu Kosovën e Shqipërinë.
“Za Fest”, festival që i kushtohet trashëgimisë së Alpeve Shqiptare, do të mbledhë artistë shqiptarë e të huaj, që me muzikë e rrëfenja do të argëtojnë të pranishmit nën hijen e malit. Edhe këtë edicion do të jetë e pranishme këngëtarja shqiptare, Elina Duni.
Ndërkaq “Sunny Hill Festival” do të sjellë nga bota artistë të zhanreve të ndryshme muzikore që do të performojnë gjatë datave 2, 3 dhe 4 gusht në Prishtinë. Këtë vit, në mesin e artistëve të njohur ndërkombëtarë do të jenë edhe Calvin Harris dhe Miley Cirus, shkruan albinfo.ch.
U mbetet adhuruesve të muzikës të vendosin se ku do t’i kalojnë këto tri ditë të gushtit!
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit