Futboll
Zhegrova nuk po gjen hapësirë tek Genk
Një prej talentëve më të mëdhenj dhe më premtues te Përfaqësuesja e Kosovës në futboll, po kalon në një periudhë aspak të lehtë në karrierën e tij,
Edon Zhegrova nuk po gjen hapësira te skuadra e tij në Belgjikë, Genku, ku po injorohet vazhdimisht.
Zhegrova, që ashtu si shumë herë këtë sezon, as dje nuk ishte pjesë e ekipit të Genkut, ku ekipi i tij fitoi me rezultat 2:0 në udhëtim te Eupen në kuadër të ligës belge.
Me Genkun, Zhegrova ka gjithsej 26 paraqitje, që prej kur i’u bashkua klubit nga klubi tjetër belg, Sint-Truidense, në korrik të vitit 2017.
Në sezonin e tij të parë me ekipin belg, Zhegrova luajti 15 ndeshje (684 minuta), ku pati një gol dhe dy asistime, në të gjitha garat, shkruan KK, përcjell albinfo.ch
Kurse, këtë edicion ai në ligë ka bërë vetëm 6 paraqitje (310 minuta), derisa ka shënuar një gol.
Në 20 xhirot e para në ‘Jupiler Pro League’, Zhegrova ishte shtatë herë pjesë e ekipit të Genkut, ku një herë ishte rezervist i papërdorur, derisa në 4 raste ishte startues, kurse dy herë u inkuadra nga banka rezervë.
Ndërkaq, në 13 prej ndeshjeve në ligë, Zhegrova nuk ishte fare pjesë e ekipit të drejtuar nga Philippe Clement.
Zhegrova bëri një paraqitje në kupën belge (nga tri ndeshje të Genkut gjithsej), derisa nuk ishte fare i ftuar për dy takimet tjera.
Anësori i Kosovës po ashtu në Ligën e Evropës është injoruar krejtësisht, duke mos qenë fare pjesë e ekipit në 6 ndeshjet e Genkut në fazën e grupeve.
Futbollisti 19-vjeçar, përkundër se nuk po gjen minuta te Genku, në rrjete sociale është mjaft aktiv dhe për dallim nga yjet tjerë të futbollit, shumë prej postimeve nuk kanë të bëjnë me klubin e tij.
Të ngjashme
Të tjera nga Futboll
E-Diaspora
-
Mërgimtari humb jetën në vendin e punës në këtë shtet Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut