Bota
Zjarr në anijen amerikane, gjenden trupat e 25 viktimave
Roja bregdetare amerikane njoftoi se pesë anëtarët e ekuipazhit arritën të largohen nga anija, por 33 pasagjerë dhe një anëtar tjetër i ekuipazhit janë gjetur të vdekur ose janë ende të zhdukur
Një zjarr në një anije në ujërat e Kalifornisë ua ka marrë jetën 25 personave, ndërsa nëntë të tjerë janë shpallur të zhdukur. Anija është djegur plotësisht dhe më pas është fundosur në orët e para të mëngjesit të së hënës.
Roja bregdetare amerikane njoftoi se pesë anëtarët e ekuipazhit arritën të largohen nga anija, por 33 pasagjerë dhe një anëtar tjetër i ekuipazhit janë gjetur të vdekur ose janë ende të zhdukur.
Pas operacionit të kërkimit nga ekipet e shpëtimit, 25 trupa të pajetë u gjetën, ndërsa nëntë personat tjerë gjithashtu besohet se kanë vdekur. Zyrtari i rojes bregdetare, Matthew Kroll, tha se trupat e gjetur kanë shenja të vdekjes nga fundosja në ujë.
Në kohën e zjarrit, anija e vogël ishte afër ishullit Santa Cruz, jo shumë larg Barbara-s dhe Los Angeles-it.
Trupat e parë që u gjetën të hënën ishin dy burra dhe dy gra, por autoritetet thanë se duhet të kryhet testi i ADN-së për t’i identifikuar ata. Zyrtarët nuk dhanë hollësi të tjera lidhur me personat e zhdukur, duke thënë se pasagjerët ishin nga pjesa jugore e Kalifornisë dhe nga disa pjesë më të largëta.
Në vendin e ngjarjes ka shkuar edhe kongresistja Julia Brownley, e cila tha: “Fatkeqësisht, i kemi përjetuar dy zjarre të mëdha në Kaliforni, por asnjëherë nuk jemi ballafaquar me një emergjencë të tillë”, shkruan “The Guardian”, përcjell Albinfo.ch.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën