Shkurt.ch

Zvicër: 8% më pak azilkërkues gjatë nëntorit

Gjatë 11 muajve të këtij viti, gjegjësisht një muaj para përfundimit të vitit 2019, në Zvicër kanë kërkuar azil 13158 veta

Gjatë nëntorit në Zvicër janë regjistruar 1166 kërkesa për azil. Ky numër është për 8.4% më i vogël se ai i një muaji më parë ose 10.2% më i vogël se numri i regjistruar në nëntorin e vitit të kaluar (2018), thuhet në një komunikatë të Sekretariatit Shtetëror për Migracion (SEM).

Ndërkaq gjatë 11 muajve të këtij viti, gjegjësisht një muaj para përfundimit të vitit 2019, në Zvicër kanë kërkuar azil 13158 veta.

SEM gjatë muajit nëntor ka zgjidhur 1692 kërkesa azili në shkallën e parë. Në këtë kontekst, për 246 raste janë marrë vendime për moslejim të hyrjes në Zvicër, prej të cilave 192 mbi bazë të Marrëveshjes së Dublinit), 469vetave u është njohur azili dhe 503 vetave pranimi i përkohshëm.

Nga ana tjetër në nëntor  465 veta e kanë lëshuar Zvicrën në mënyrë të kontrolluar ose Zvicra i ka kthyer në vendet e treta. Ndërkaq Zvicra u ka kërkuar shteteve tjera të Dublinit që të pranojnë 374 persona dhe vetëm për 129 prej tyre kërkesa është pranuar.

Në të njëjtën kohë, shtetet tjera të Dublinit kanë kërkuar nga Zvicra pranimin e 394 personave ndërsa Zvicra i ka marrë vetëm 93 prej tyre.

Më së shumti azilkërkues gjatë nëntorit në Zvicër kanë ardhur nga Eritrewa 223), Afganistani (128), Turqia (110), Siria (102) etj.


LAJME INTERESANTE NGA INTERNETI