Zviceranët fitojnë pak për të blerë një shtëpi

(KEYSTONE/Steffen Schmidt)

Të blini një shtëpi po bëhet gjithnjë e më shumë një privilegj në Zvicër. 71 për qind e popullsisë zvicerane kanë shumë pak pasuri për të përballuar një shtëpi tipike për një familje. Kjo është ajo që Raiffeisenbank shkruan në studimin e saj “Real Estate Switzerland”, shkruan albinfo.ch.

Çmimet e shtëpive po rriten, sipas studimit. Në krahasim me të njëjtin tremujor të një viti më parë, rritja për shtëpitë për një familje është pesë për qind. Çmimet shënojnë rritje rekorde, shkruan banka në fjalë. Arsyeja për këtë është kërkesa e nxitur nga normat e ulëta të interesit dhe oferta e pakta në treg.

Për shkak të këtij zhvillimi të çmimeve, blerësit e ardhshëm duhet të mbledhin gjithnjë e më shumë kapital dhe të arrijnë  të sigurojnë të ardhura më të larta për financimin e hipotekës. Për shembull, të ardhurat vjetore duhet të jenë të paktën 176 mijë franga për blerjen e një shtëpie për një familje me çmimin e një milion frangash (për 200 mijë franga të kapitalit).

Personat në kantonet e Uri (44 për qind), Appenzell Innerrhoden dhe Graubünden (të dy 42 për qind), si dhe Appenzell Ausserrhoden dhe Nidwalden (secila 39 për qind) kanë më shumë gjasa të jenë në gjendje të përballojnë shtëpinë tipike të një familje. Në Freiburg (20 për qind), Base, Solothurn (19 për qind ) dhe Gjenevë (18 për qind), shumë pak njerëz mund të përmbushin ëndrrën e tyre për të gëzuar shtëpinë e tyre.

Dhe, në të ardhmen, do të jetë edhe më e vështirë për të siguruar një shtëpi apo banesë: “Aktualisht, nuk ka shenja që do të tregojnë një rritje të fortë të furnizimit. Prandaj vazhdojmë të presim çmime në rritje në tregun e shtëpive në Zvicër “, parashikon Raiffeisen.