Futboll
Zvicerani Challandes e bën Kosovën të ëndërrojë
Pas njohjes zyrtare të FIFA-s më 2016, ekipi kombëtar i Kosovës humbi nëntë nga dhjetë ndeshjet kualifikuese. Pastaj vjen Bernard Challandes
Kosova festoi të hënën në Sofje të Bullgarisë. Elbasan Rashani shënoi për 3:2 dhe festa filloi.
Por, në këtë sukses ka edhe shumë lojtarë nga Zvicra. Benjamin Kololli i Zurichut asistoi për 2:2, derisa Edon Zhegrova i Baselit dhe Idriz Voca i Luzernit luajtën nga fillimi. Më pas u inkuadrua edhe Florent Hadergjonaj, i lindur në Zvicër, shkruan ‘bluewin.ch’.
Gjithashtu jashtë fushës janë Shkelqim Demhasaj (FCL) dhe Hekuran Kryeziu (FCZ). Por, meritat më të mëdha i ka trajneri Bernard Challandes, përcjell albinfo.ch.
Pas njohjes zyrtare nga FIFA, ballkanasit nën ish-trajnerin Albert Bunjaki, nëntë herë në dhjetë ndeshje kualifikuese përfunduan me humbje. Humbja e fundit ishte në tetor të vitit 2017, ndaj Islandës 0:2.
Në mars 2018, Bernard Challendes merr komandën – dhe si! Në 13 ndeshjet me 67-vjeçarin, Kosova mbetet e pamposhtur, tetë fitore dhe pesë barazime. Veçanërisht i rëndësishëm është barazimi 2:2 kundër Danimarkës – edhe nëse ishte vetëm një ndeshje miqësore. Në kualifikimet e Kampionatit Evropian, falë fitores në Bullgari, kualifikimi është i mundur, derisa u arrit rekordi në 14 ndeshje pa humbje.
Përgëzimet ishin të shumta në Kosovë. “Çfarë legjende”, apo “Nënshkruani kontratë të përjetshme”, përcjell tutje albinfo.ch.
“Unë jam shumë i lumtur. Kurrë nuk kemi hequr dorë, djemtë merituan fitore. Ky nuk është një triumf normal, por i pari ynë në kualifikimet e Kampionatit Evropian”, thotë trajneri zviceran. Sfida e ardhshme është ndaj Çekisë në shtator.
Të ngjashme
Të tjera nga Futboll
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?