Futboll
Zvicra luan ndaj Bjellorusisë në Novi Sad, fokusi te Granit Xhaka
Lojtarët e Zvicrës kanë mbërritur mbrëma në Beograd. Arritja e lojtarëve të Zvicrës ishte e qetë dhe efikase, para përballjes me Bjellorusinë për kualifikimet e “Euro 2024”, përcjell albinfo.ch.
Vlen të theksohet se në dalje të aeroportit të Beogradit, një njësi speciale e policisë serbe, me mbështetjen e disa policëve zviceranë, mbronin delegacionin e Zvicrës, shkruan Blick.
Në fokus të kësaj ndeshje është kapiteni i Zvicrës, Granit Xhaka, shkaku që ndeshja luhet në Novi Sad të Serbisë. UEFA nuk po e lejon Bjellorusinë t’i zhvillojë ndeshjet vendas në Minsk për shkak të mbështetjes që i ka dhënë pushtimit rus të Ukrainës.
Dhe për ta bërë më të nxehtë para-ndeshjen është përkujdesur gruaja e Granitit, Leonita. Ajo ka postuar në Instagram festimin me shqiponjën dykrenare të burrit të saj në Kupën e Botës 2018, kur Zvicra pati eliminuar Serbinë në fazën e grupeve.
Është vetëm një nga arsyet pse Graniti u pa nervoz pas aterimit në aeroportin e Beogradit. Një faktor tjetër është edhe Kupa e Botës në Katar në dhjetor të vitit të kaluar. Xhaka ishte në qendër të vëmendjes edhe në atë ndeshje, për shkak të përleshjeve me disa lojtarë serbë.
Për këtë arsye, Federata zvicerane ka qenë e vetëdijshme për një kohë të gjatë se Xhaka, si një figurë stimuluese për serbët, ka nevojë për mbrojtje të veçantë. Në aeroportin e Beogradit, megjithatë, të gjithë frikat zhduken shpejt. Përveç disa gazetarëve nga Zvicra, askush nuk është interesuar për helvetikët atë mbrëmje.
Ndaj Bjellorusisë do të mungojë Xherdan Shaqiri për shkak të lëndimit.
Zvicra, përveç Bjellorusisë, në grupin kualifikues e ka edhe Kosovën, Izraelin, Rumaninë dhe Andorran.
Sfida mes Bjellorusisë dhe Zvicrës pritet të nisë sot nga ora 18:00.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë