Lajme
Zvicra shpenzon më së shumti në Evropë për shëndetësinë
Zvicra shpenzon një të tetën e bruto produktit vendor ose 12.25% të tij për shëndetësinë. Në Evropë mesatarisht për këtë destinim jepet një e dhjeta
Asnjë shtet tjetër evropian nuk shpenzon për shëndetësinë, në raport me fuqinë e vet ekonomike, më shumë se Zvicra. Kjo tregohet në statistikën më të re që e ka publikuar Eurostat-i, Zyra Statistikore Evropiane.
Zvicra shpenzon një të tetën e bruto produktit vendor ose 12.25% të tij për medikamente dhe për trajtime mjekësore, shkruan sda.ch.
Në Evropë mesatarisht për këtë destinim jepet një e dhjeta e Bruto Produktit Vendor të vendeve përkatëse, transmeton albinfo.ch.
Shuma mbi mesataren evropiane nga buxheti i tyre për shëndetësinë japin edhe Franca (11.5%) Gjermania (11.1%), Suedia (11%) dhe Austria (10.4%). Ndërsa e fundit në këtë listë është Rumania, e cila për shëndetin e popullatës së vet shpenzon vetëm 5% nga bruto prodhimi i saj vendor. Shifrat janë nga viti 2016, por të fundit deri tash, të përmbledhura për këtë sektor.
Në 12 shtete të BE-së, për shëndetësinë jepen më pak se 7.5% të BPV. Fjala është për: Irlandën, Kroacinë, Hungaruinë, Çekinë, Sllovakinë, Qipron, Lituaninë, Poloninë., Estoninë, Letoninë, Luksemburgun dhe Rumaninë, përcjell albinfo.ch. Sigurisht, prania e Luksemburgut në listën e fundit shpjegohet me nivelin shumë të lartë të brutoproduktit kombëtar që ka ky vend i vogël, sqaron Eurostat. Kjo mundëson shërbime shëndetësore të kënaqshme përkundër mesatares së ulët të shpenzimeve në krahasim me fuqinë ekonomike të vendit.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?