CH-Ballkani
20 vjet mbështetje të varfërve në Kosovë nga Caritas-i zviceran
Caritas Zviceran – 20 vite zotim drejt zvogëlimit të varfërisë si dhe mbështetjes së personave të margjinalizuar në Kosovë
Në një ceremoni zyrtare, Caritas-i zviceran festoi sot 20 vjetorin e vet në Kosovë. Kjo organizatë ndërkombëtare ka mbështetur njerëzit e prekur nga varfëria dhe grupet e cenueshme të shoqërisë. Përfaqësuesit e institucioneve qeveritare, shoqëria civile dhe mediat morën pjesë në këtë ngjarje. Përfaqësuesit e Caritas zviceran dhe ata të Qeverisë së Kosovës në fjalimet e tyre theksuan kontributin vital dhe rëndësinë e Caritas zviceran në Kosovë gjatë këtyre 20 viteve të fundit, thuhet në një njoftim për media, të kësaj organizate.
Menjëherë pas luftës, Caritas zviceran ka ofruar ndihmë të shpejtë dhe jo-burokratike për popullsinë e Kosovës, me ç rast edhe janë ndërtuar më shumë se 5,000 shtëpi. Më vonë, Caritas-i zviceran përmes projekteve të shumta ka mbështetur grupe të ndryshme të shoqërisë në fushën e arsimit parashkollor, gjithpërfshirjes sociale, bujqësisë dhe sigurisë së ushqimit si dhe migrimit. Kjo organizatë po ashtu ka kontribuar në procesin e pajtimit dhe përfshirjes së minoriteteve etnike, në veçanti romëve, ashkalive dhe egjiptasve.
“Bashkëpunimi me partnerët tanë në Kosovë gjithmonë është karakterizuar nga dialogu dhe respekti reciprok. Ne jemi mirënjohës për këtë bashkëpunim dhe e mirëpresim vazhdimin e punës në një frymë konstruktive, me miqësi dhe solidaritet”, theksoi Hugo Fasel, Drejtor i Caritas zviceran.
“Ky është një moment i jashtëzakonshëm për organizatën tonë. Duke u bazuar në përkushtimin, këmbëngulësinë dhe profesionalizmin e ekipit dhe partnerëve tanë, kemi arritur suksese të qëndrueshme në të gjitha fushat e punës, gjë për të cilën edhe jemi krenar”, theksoi Znj. Vera Haag Arbenz, Drejtoresha e Caritas zviceran në Kosovë.
Ceremonia zyrtare u përmbyll me një garë të vizatimeve me temën “Unë kontribuoj për një mjedis të pastër dhe të shëndetshëm”, që u organizuar me rastin e përvjetorit të Caritas-i zviceran në Kosovë. Nga më shumë se 300 vizatimet që ishin dorëzuar nga fëmijët e shkollave të ndryshme nga i gjithë vend, tre edukator dhe 3 fëmijë u shpërblyen me materiale mësimore dhe shkollore, thuhet në fund të njoftimit
Të ngjashme
Të tjera nga CH-Ballkani
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?