Lajme
“365 ditë autiste”, libri që trajton shqetësimin e shumë prindërve
Të shtunën në ambientet e Ambasadës së Republikës së Kosovës në Bernë, para një publiku të shumtë në numër, u bë promovimi i librit “365 ditë autiste”, i autores Mirela Duka-Xoxi.
Takimin e përshëndeti Ambasadori i Republikës së Kosovës në Zvicër, Sami Ukelli. Të pranishëm nga kjo Ambasadë ishin dhe konsullja Fexhrije Plaku dhe Gjenis Haxhimehmeti.
Për librin referuan redaktori i librit, Gani Bytyçi, kryetarja e LAPSH-it për kantonin e Bernës, znj. Saime Isufi dhe znj. Gentjana Tafili lexoi fjalët e recensenteve të librit, Arjola Kondakxhiut dhe Donata Toçe.
Bytyçi, pasi i bëri një parahyrje temës së trajtuar nga autorja (autizmit), temë kjo aq pak e njohur dhe aq e pranishme, vlerësoi se ky libër është i veçantë për disa arsye. Së pari libri është shkruar nga një nënë, por që shpreh shqetësimin e të gjitha nënave, që mund të kenë fëmijë me autizëm.
“Fëmijët me autizëm“, sipas tij, janë pengu i shoqërisë, ngase ajo nuk është e përgatitur për fenomenin, anipse ky e ka shoqëruar qenien njeri gjatë gjithë historisë së tij. Dhe shoqëria (sidomos) ajo shqiptare, nuk është e përgatitur as moralisht, as nga pikëpamja e mendësisë, as me literaturën e nevojshme për ata që janë në rrethin e fëmijëve të rënduar me autizëm, as me institucione përkatëse e profesionale të përkujdesjes ndaj kësaj kategorie. Ndërsa Saime Isufi, e cila autores i shprehu gjithë konsideratën dhe urimet edhe në emër të organizatorit të takimit (LAPSH-it Kantonal), u angazhua gjithashtu për rëndësinë që ka botimi i këtij libri për prindërit, që kanë fëmijë me autizëm dhe të cilëve u mungon literaturë aq e nevojshme për tu përballur me këtë problem.
Autorja e librit, Mirela Duka Xoxi, për të pranishmit kishte përgatitur edhe një temë të shkurtër me pawerpoint lidhur me atë se ç‘ është autizmi, si manifestohet ai dhe si duhet reaguar në këto situata. Në fund ajo u shprehu falënderimet e saj të gjithë atyre që e kanë mbështetur për librin, si familjen, shtëpinë botuese, redaktorin, recensentët, si dhe punonjësit e Ambasadës së Republikës së Kosovës e të gjithë të tjerët.
Takimin e moderoi Veton Dizdari ( ish-mësues i LAPSH -it), i cili prezantoi dhe një biografi të shkurtër të autores së librit.
Në vazhdim u zhvillua një bashkëbisedim interesant për autizmin dhe librin, ku u shpreh një intersim i veçantë i publikut të pranishëm.
Një moment tepër prekës dhe mbresëlënës ishte falënderimi me buqeta lulesh nga nxënëset mësueses së tyre të dashur Mirela.
Kënaqësi për mbrëmjen ishte dhe përshëndetja nga Athina për autoren e librit, nga ish-mësuesja e letërsisë në gjimnazin „Sami Frashëri“ në Tiranë.
Për ta përmbyllur takimin në mënyrën më të mirë, me këngën, u kujdes artistja e talentuar Gentjana Tafili, e cila me këngën e bukur qytetare shkodrane që solli aty, i dha kënaqësi gjithë publikut të pranishëm.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?