5 milionë euro i kushtojnë buxhetit të Kosovës Zgjedhjet Lokale

Zgjedhjet Lokale në Kosovë do të kenë një kosto prej 4.5 milionë deri në 5 milionë euro.

Kryetarja e Komisionit Qendror të Zgjedhjeve, Valdete Daka ka bërë të ditur se Në kuadër të mbarëvajtjes të zgjedhjeve lokale të 22 tetorit, KQZ, do të angazhoj mbi 20 mijë komisionerë nëpër të gjitha qendrat e votimit, në Republikën e Kosovës. Ajo ka thënë se të drejtën për të votuar në këto zgjedhje, e kanë mbi 1 milionë e 900 mijë qytetarë.

Zgjedhjet e reja përveç angazhimit të shumë njerëzve, do ta kenë edhe një kosto prej 4.5 milionë deri në 5 milionë euro.Gara për të ata që synojnë ta marrin timonin e komunave, ka qenë shumë e dendur dhe me një numër shumë të madh të kandidatëve, duke bërë kështu që pothuajse të gjithë komunat të shkojnë në garën e balotazhit.Komisioni Qendror i Zgjedhjeve (KQZ), ka certifikuar më shumë se 200 kandidatë, 91 subjekte politike, një koalicion, 30 nisma qytetare, 25 kandidatë të pavarur dhe 7080 kandidatë për asamble komunale.