Opozita anulon protestën e nesërme

Vendimin për shtyrje e konfirmo lideri i AAK-së, Ramush Haradinaj, duke thënë se protesta shtyhet për me vonë

Partitë opozitare kanë anuluar protestën e thirrur për të shtunën, pas një moskoordinimi ndërmjet tri partive opozitare, Lëvizjes Vetëvendosje, Aleancës për Ardhmërinë e Kosovës dhe Partisë Nisma. Vendimin për shtyrje e konfirmo lideri i AAK-së, Ramush Haradinaj, duke thënë se protesta shtyhet për me vonë.

Përmes një statusi në “Facebook”, Haradinaj ka thënë se anëtarësia e AAK-së është e mobilizuar për kundërshtimin e keqqeverisjes, por për shkaka të partive tjera merr vendim për shtyje të protestës. Protesta e nesërme ishte parashikuar të jetë gjithppoullore, me kërkesën dorëheqjen e Qeverisë Mustafa.

“Anëtarësia e AAK- është më e mobilizuar se asnjëherë më parë për kundërshtimin e keqqeverisjes që është identifikuar me pushtetin aktual. Partnerët tanë politik opozitarë kishin kërkesë që protesta e nesërme të shtyhet për një moment më të përshtatshëm. Ky ishte edhe koncesioni i partneritetit të përbashkët”, tha Haradinaj.

Opozita, sipas tij, vazhdon të jetë konsistente në kauzën e “drejtë dhe në proces të mobilizimit të mëtejmë për protestat e radhës”.

Ndërkaq në një konferencë të përbashkët, ku ishte i pranishëm edhe lideri i Vetëvendosjes, Visar Ymeri dhe ai i Nismës, Fatmir Limaj, Haradianaj konfirmo shkurt, se protesta shtyhet për më vonë. Të pyetur nëse ka mospajtime mes opozitës, asnjëri nga liderët nuk ka dhënë përgjigje.