Lajme
Qindra bashkatdhetarë vizituan Kuvendin e Kosovës
Këtë institucion, dje dhe sot, sipas përfaqësuesve të Ligjvënësit, e kanë vizituar qindra bashkatdhetarë. Ata janë njoftuar nga afër me punën e legjislativit
Me moton “Bashkatdhetarët në Kuvend”, për dy ditë radhazi, Kuvendi i Republikës së Kosovës ka hapur dyert për të gjithë mërgimtarët, të cilët aktualisht gjenden për pushime në Kosovë. Këtë institucion, dje dhe sot, sipas përfaqësuesve të Ligjvënësit, e kanë vizituar qindra bashkatdhetarë.
“Qindra bashkatdhetarë nga vende të ndryshme të botës, janë njohur nga afër me ambientet e brendshme të Kuvendit të Kosovës dhe janë takuar me përfaqësuesit e zgjedhur të qytetarëve. Bashkatdhetarët kanë shprehur emocione të veçanta për mundësinë që iu ofrua atyre të shohin nga afër mënyrën e funksionimit të Kuvendit të Republikës së Kosovës”, thuhet në njoftimin e Kuvendit të Kosovës.
Në këtë aktivitet tradicional të hapjes së dyerve të Kuvendit, kryeparlamentari Kadri Veseli tha se bashkatdhetarët i sheh si faktor tejet të rëndësishëm për zhvillimin e vendit.
“Bashkatdhetarët jetojnë me ne, me të arriturat tona, vështirësitë dhe sakrificat tona. Jetojnë me shpirt në Kosovë dhe duan ta shohin Kosovën të zhvilluar e të përparuar”, ka vlerësuar kryeparlamentari Veseli, sipas të cilit, propozimet dhe vërejtjet e bashkatdhetarëve, “do të jenë pjesë e politikës shtetërore që mërgatën tonë ta kthejmë në njërin ndër faktorët më të rëndësishëm të zhvillimit ekonomik të Kosovës dhe integrimit evropian të saj”.
Mirëpo sivjet, për herë të parë në Kuvend u shënua një incident pasi që një mërgimtarë ka hequr nga holli i Kuvendit fotografinë e ish-presidentit historik Ibrahim Rugova. Ky veprim u dënua nga kryeparlamentari Veseli, ndërsa sigurimi i Kuvendit intervenoi dhe e ktheu sërish në vend fotografinë.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale