Dafina Kastrati e 11-ta në MTV

Ylli i ri i muzikës, kosovarja Dafina Kastrati, pas debutimit javën e kaluar në toplistën e MTV me videoklipin e këngës “Shot Calling”, tani ka regjistruar një ngritje të jashtëzakonshme në këtë toplistë, duke u renditur në pozitën e 11-të dhe duke lënë prapa vetes shumë këngëtarë të njohur dhe me përvojë.

“Hey, kënga ime është renditur e 11-ta në MTV-në zvicerane. Më mungojnë fjalët. Faleminderit të gjithëve”, ka shkruar ajo në gjuhën angleze, transmeton “albinfo.ch”.

Dafina më hapa të shpejt po shndrrohet në një yll të skenës evropiane. Ajo po vlerësohet shumë për zërin dhe paraqitjen e saj skenike.

Kënga “Shot Calling”, është kompozuar nga kompozitori nga Prishtina, Florent Boshnjaku dhe vëllai i saj Rinori.

Dafina është 18 vjeçare më prejardhje nga Kosova, ndërsa banon në Stutgart të Gjermanisë.

Albinfo.ch