Sallata tuna, me makarona dhe perime

Sallatat janë të preferueshme që të servohen në dy racione, atë të darkës dhe të drekës. Disa i servojnë ato që t`i bashkëngjisin me ushqimin që janë duke e ngrënë, e disa të tjerë e preferojnë atë pa asgjë. Sallata me tunë përgatitet shpejt dhe lehtë.

Përbërësit:

•       500 gr. makarona të ziera,
•       150 gr. majonezë,
•       2 speca të kuq,
•       2 speca të gjelbër,
•       1 qepë e bardhë,
•       1 qepë e kuqe,
•       2 domate,
•       lëng limoni të shtrydhur,
•       majdanoz i freskët,
•       djathë,
•       peshk tuna,
•       mëlmesa sipas dëshirës.

Përgatitja:

Kjo recetë është shumë e lehtë për t’u përgatitur. Mjafton t’i zieni makaronat në ujë të ngrohtë, me vaj dhe kripë, derisa të zbuten. Pastaj i kullojmë ujin dhe në një enë të thellë vendosim të gjithë përbërësit. I përziejmë mirë dhe i vendosim në frigorifer për 2 orë.
Shërbehen të ftohta.

Ju bëftë mirë!