Dënohet Bilal Shehu, aranzhoi takimin mes Ramës e Obamës

Prokurorët thonë se Rama ka mohuar të ketë lidhje me këtë rast, derisa ka pranuar se ka bërë fotografi me Obamën

Një gjykatë në Nju Xhersi të Shteteve të Bashkuara të Amerikës ka dënuar shqiptarin Bilal Shehu, i cili i mundësoi Edi Ramës takimin ku do të ishte i pranishëm presidenti i SHBA­ve, Barack Obama në tetor të vitit 2012, ku kryeministri shqiptar përfitoi të bënte foto që më pas u shpërnda në mediat sociale, raporton albinfo.ch.

Shehu u dënua për donacionin me vlerë prej 80 mijë dollarëve, pasi pranoi se ishte një shumë me burim jashtë SHBA­ve. 48­vjeçari u dënua me një vit burg me kusht.

Ai ka pranuar para gjykatës se këto para i kishte marrë nga një person që të merrte pjesë në takimin me Obamën në San Francisko në tetor të vitit 2012. Ligjet në SHBA ndalojnë shtetasit e huaj që të japin kontribut për fushatën elektorale presidenciale.

Prokurorët thonë se Rama ka mohuar të ketë lidhje me këtë rast, derisa ka pranuar se ka bërë fotografi me Obamën.

Edhe avokatët e shqiptarit me nënshtetësi amerikane kanë theksuar se klienti i tyre është penduar, derisa është i lumtur që do të ketë një rast të dytë të dëshmojë se është njëri i ndershëm.