Nënshkruhet marrëveshja protokollare për hapjen e pikës kufitare në Stançiq

“Kosova ka kryer të gjitha obligimet e saj sa i përket hapjes së pikës kufitare”, ka thënë Demaj pas nënshkrimit të marrëveshjes. Ndërsa zëvendës-ministrja e Punëve të Jashtme e Maqedonisë, Arta Toqi, e vlerësoi këtë marrëveshje si diçka historike

Një ditë pasi albinfo.ch raportoi për vonesën e hapjes së pikës kufitare ndërmjet Kosovës dhe Maqedonisë në Stançiq, dy vendet kanë nënshkruar sot protokollin për krijimin e pikës kufitare që do ta lidhë Anamoravën dhe Kosovën me Maqedoninë.

Ministri në detyrë i Punëve të Jashtme, Emanuel Demaj, tha se kjo marrëveshje është shumë e rëndësishme pasi mundëson lëvizjen e lirë të qytetarëve të të dyja vendeve.

“Kosova ka kryer të gjitha obligimet e saj sa i përket hapjes së pikës kufitare”, ka thënë Demaj pas nënshkrimit të marrëveshjes. Ndërsa zëvendës-ministrja e Punëve të Jashtme e Maqedonisë, Arta Toqi, e vlerësoi këtë marrëveshje si diçka historike. Toqi shtoi se  shpresojnë se në një afat shumë të shkurtër do ta finalizohet ky projekt por nuk ka dhënë afate konkrete.