Mbretëresha refuzon xhirimet e “Star Wars”

Pallati Mbretëror i kishte thënë jo xhirimeve të franshizës së njohur kur ajo donte të xhironte skena në Windsor Great Park, Berkshire

Një kërkesë e  “Star Wars” për të xhiruar në tokën e Mbretëreshës së Britanisë së Madhe, ishte hedhur poshtë.

Pallati Mbretëror i kishte thënë jo xhirimeve të franshizës së njohur kur ajo donte të xhironte skena në Windsor Great Park, Berkshire.

Një zëdhënës i mbretërisë ka thënë se skenat e planifikuara nuk ishin të përshtatshme për këtë park.

“‘Star Wars’ ishte një gjë e madhe në të cilën rrezikohej parku. Lokacioni në të cilin ata ishin të interesuar nuk ishte i përshtatshëm për shumë njerëz aty. Prioriteti ynë kryesor është të mirëmbajmë dhe të ruajmë Windsor Great Park dhe ne mund të pranojmë xhirime nëse jemi të sigurt se rreziku për parkun është minimal. Por ‘Star Wars’ është makineri e madhe dhe nuk ishte për këtu”, ka thënë zyrtari i mbretërisë për këtë pronë, Nick Day për BBC, përcjell Albinfo.

Një pjesë e parkut 5000 akër u përdor së fundmi për filmin e fundit të “Winnie-the-Pooh”.